الرئيسية / ارشيف الطليعة / أن نختبىء في حلم جميل ………………………………………………

أن نختبىء في حلم جميل ………………………………………………

ZIZI POETRY 66

بأنامل ساحرة الحروف/ زيزي ضاهر

تعي نتخبى بسنين الولدنة

قبل ما تهرب منا الدني

تعي اﻷيام عم تمرق متل كذبة

متل ربيع وهاجر ﻻ مكان بعيد

تعي بسميكي بعيوني ملاك

وبسرقلك من اﻷحﻻم حلاكي

ومن قصور الجن ببنيلك

مملكة سحرها بلقيس

وتاجها عشتار

تعي قبل ما يغرب

نهارك يا دني

وﻻ تسألي عن لي راح

منا بلا وعي

تعي الوطن والحب

ببلادنا جوعان للحلم

مش قلب غافي ومملكته وهم

والحلم مهما طال بيبقى حلم

مش كل اﻷسامي بتشبه حدا

وﻻ في وطن بيشبه وطن

اتنينا التقينا والحب مجنون

والعمر مسافر ورجوعك إلي

سألتك قبل ما يهرب زمان الحب

قبل ما اﻷسرار تسكر بوابها وتختفي

وهونيك تنام بﻻ وليف ولا وعي

وتغفى جوات أحلامها بﻻ وعد

تعي تنلتقي بجنون أحلامي

وبعيوني نامي وهونيك غيبي

جوات عمري بخبيكي

ولو مات الحلم من الدني

بتبقي إنت وحلم الكون زواري

وبغربة اﻷوهام يا سر الحكي

رح اكتبك حروف مسك الدني

وصور على الحيطان حبك إلي

واحفر عوج الشمس إنك معي

تعي مجنون أنا بقلعة حﻻكي

وعيونك قدر والسجان أحﻻمك

تعي قبل ما يقتل الضجر

لي بقي من عمرك وعمري

بسرقلك من السما حﻻها

ومن الأحلام سرها وهواها

تعي ببﻻدي حل الخريف

والحب سافر ﻻ مكان بعيد

والأرض تكللت برماد البكي

بلكي اذا رجعتي بتتكحل

بسحرها الليﻻت

ومنشتري بالحب

لي بقي من الأحﻻم

تعي قبل ما يهرب منا الزمان

ويموت الحب عبواب الحكي

تعي نقتل بجوعنا البعد

ونمحي برجوعنا سنين الضجر

ونكتب بحبر الدم إنك إلي

تعي ومري بحلمك

عا قلب جوعان ليكي

يمكن مع هبوب الريح

وحروف مسافرة

مع قوافي الأيام

مع قصيدة شعر

حكيتها اﻷسحار

رح اكتبك حروف

عنوانها مكتوب

عسطور اﻷيام

كلمة صدى مبلولة

حبرها حروف مشغولة

بصرخة وطن ما بينام

إﻻ على مراية اﻷحﻻم

 

 

 

 

المقال يعبر عن رأي الكاتب ولايعبر بالضرورة عن رأي الطليعة نيوز

شاهد أيضاً

وإن عدتم عدنا.. عن كشك الفتوى

كتب : عادل نعمان   المسئولون عن مترو الأنفاق تصرفوا فيه، وكأنه عزبة ورثوها كابراً …