الرئيسية / منوعات / سامي حرك : اللي طرد اليهود, هكسوسي زايهم!

سامي حرك : اللي طرد اليهود, هكسوسي زايهم!

العبرانيين كانو أضعف وأتفه عشيرة من الأربعين عشيرة (الأربعين حرامي) الهكسوسية, كل الظلم والإستعباد اللي بيتكلمو عنه, كان منهم فيهم, العشيرة الأقوا بتستعبد الأضعف, وفرعون ده كان واحد منهم, حكمهم وحكم مصر!
اللي طرد اليهود هكسوسي زايهم, إنما بمجرد ما إنطردت باقي العشاير, بقو أنا وإبن عمي ع الغريب!
المهم إن طرد الهكسوس, الأربعين عشيرة, وحد مشاعرهم, وخلاهم يصبو كل غضبهم وحقدهم ع المصريين!
العشيرة الأضعف, حسب قانون التطور الطبيعي, كانت الوحيدة اللي إتغلبت علا ضعفها, الضعف حافز للتفوق, زاي اليتيم اللي غالبن بيطلع فلتة. إتفوقت العشيرة العبرانية ع الكل فـ تأليف الحكايات وكتابتها, وده سبب خلودها, مقارنة مع باقي العشاير!
عارفين الموظف المفصول, وفكرة إنهم ميقدروش يستغنو عنه, وإنه كان شايل الشغل لوحده, وإنه إتظلم, وقاعد يحلم يرجع شغله تاني ويأدب ولاد الكلب اللي فصلوه!
ولغاية ما يحصل اللي بيحلم بيه ده, شغال محاضر وشكاوي:
• اليهود حرمو الدهب اللي المصريين بيقدسوه!
• اليهود دبحو البقرة, اللي عند المصريين أهم رمز للأمومة!
• اليهود حرمو التماثيل والتصاوير, اللي قامت عليهم الحضارة المصرية!
العشر لعنات, عبارة عن كمية شتايم أبيحة, علا طريقة يا رايح كتر م الفضايح!

المقال يعبر عن رأي الكاتب ولايعبر بالضرورة عن رأي الطليعة

شاهد أيضاً

مكتبة الأسكندرية تكرم الصحفية ريهام يونس لتغطيها المتميزة لمعرض الكتاب

قامت مكتبه الاسكندرية بتكريم ريهام يونس الصحفية بجريدة السوق العربية وموقع صدي العرب لتغطياتها المتميزة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *