الرئيسية / ارشيف الطليعة / لا تقيلوا وزير الداخلية و لكن أقيلوا “محمد بيه” !!!!

لا تقيلوا وزير الداخلية و لكن أقيلوا “محمد بيه” !!!!

وزير الداخلية المصرية اللواء مجدي عبد الغفار

بقلم / وائل الشهاوي

مين محمد بيه ده ؟؟

أقولك يا سيدى..

محمد بيه ده الظابط اللى لما الصحفى صديقه بيتمسك رادار بيتصل بيه عشان يكلم الظابط اللى فى الكمين و يرجع الرخص للصحفى المخالف و طز فى القانون..

محمد بيه ده الظابط اللى لما الصحفى صديقه بيتمسك بمخدرات بيتصل بيه عشان يكلم ظابط الحملة و يسيبوه يمشى و طز فى القانون..

محمد بيه ده ظابط المرافق اللى صديقه الصحفى بيكلمه عشان يبعت قوة تشيل كراسى القهوة اللى فتحت تحت بيته..

محمد بيه ه ظابط المباحث اللى لما الصحفى صديقه بيتسرق منه حاجة بيروحله عشان يجيبهاله و يديله أولوية عن باقى المحاضر..

محمد بيه ده ظابط الجوازات اللى الصحفى بيروح يقعد فى مكتبه يشرب القهوة معزز مكرم لحد ما باسبوره يتجدد ولا طوابير ولا وجع دماغ..

طيب هل العيب على محمد بيه و لا على الصحفى ؟؟

الإتنين غلط..الإتنين بيعملوا حساب لبعض.. الإتنين بيكسروا القانون و اللوايح و التعليمات و النظام..

و عشان كدة الإتنين بيدفعوا التمن..

مفيش حد فوق القانون.. مفيش حد خط أحمر غير “مصر”..

 

المقال يعبر عن رأي الكاتب ولايعبر بالضرورة عن رأي الطليعة نيوز

شاهد أيضاً

وصول و سفر 3 الاف و 738 راكب بموانى البحر الاحمر و تداول 491 شاحنة ووصول 8 الاف و 500 طن بوتاجاز لموانى السويس

متابعة جمال شوقى   صرح ملاك يوسف المتحدث الاعلامى لهيئة موانى البحر الاحمر ان ميناء …