الرئيسية / ارشيف الطليعة / مبارك والسيسي .. لكل زمن رجاله

مبارك والسيسي .. لكل زمن رجاله

وائل الشهاوي صقر

بقلم/ وائل الشهاوي
الرئيس السيسي لم يتسلم الحكم من الرئيس مبارك علشان حضرتك تقعد تقارن اسعار زمن مبارك بأسعار اليوم .. على فكره بين الرئيس السيسي والرئيس مبارك ..

ثورتين حضرتك عملتهم واستقرار حضرتك اللى دمرته ولا نسيت مظاهرات كل يوم جمعه تحت اى بند واى حجه وصورة بلدك المشتعله وهي بتلف العالم لدرجة ان عودة يوم الجمعة لطبيعته كان حلم فى يوم من الايام وراحت السياحه المصدر الرئيسي لدخلك القومي وورثت تركيا ودول اقليمية اخرى تركتك السياحية ..

وارهاب حضرتك اللى مكنته من بلدك لما بايدك اديت صوتك لمرسي ونخبتك اللى وقفت وراه فى فيرمونت واعلامك اللى قال على الاخوان رفقاء ميدان ..

على فكره الرئيس السيسي لم يتسلم من الرئيس مبارك احتياطي نقدى ب 45 مليار دولار ولكنه تسلمه من الرئيس الانتقالى عدلى منصور وهو اقل من ميزانية شركة عالمية ..

على فكرة الرئيس السيسي ما استلمش من الرئيس مبارك سيناء وهي كل قصتها تنمية ولكنه استلمها من الرئيس عدلى منصور بعد خراب الاخوان وهي فيها منتخب العالم للارهاب والامريكان معلقين معونة السلاح ..

على فكرة الرجاله مش بتولول وعلى فكرة حتى الان اللى دفع الثمن بجد الجيش والشرطة بدمهم احنا الثمن اللى بندفعه بسيط حتى بالمقارنة باى دولة فى العالم مرت بتغيير عنيف ..

البلد حملها يهد جبل لكن السيسي اثبت انه اقوى من الجبل انه قدر يرجعها دولة ماسكه نفسها فى سنتين حتى وهي مضغوطه وبتواجه تحديات .. الصعب وايامه مش هتنتهى دلوقتى ..

ياتبقى راجل وتستحمل وتقف جنب بلدك يا اما توفر ولولتك وطاقتك السلبية اللي احنا فى غنى عنها ، والهم العام يكفى …..

المقال يعبر عن رأي الكاتب ولايعبر بالضرورة عن رأي الطليعة نيوز

شاهد أيضاً

مدير مكتب التموين بالسويس : حق المغتربين تغير مكان بطاقتهم

كتب جمال شوقى     صرح مجدي عبد العال مدير عام التموين بأن المواطنين المغتربين …